कम पैसामा काम लगाउनेले नेपाली यूवालाई ५० हजार डलर तिर्ने

तोकिएको मापदण्ड भन्दा कम ‘पे’मा काम लगाएर श्रम शोषण गरेको एक कम्पनिले नेपाली युवा सहितका क्लिनरलाई एकलाख ५० हजार डलर तिर्ने भएको छ। एज्ड केयरहरूमा क्लिनिङको काम गर्ने कम्पनि ‘गार्जियन प्रोपर्टी सर्भिसेज’ले नेपाली युवा आशिष परियार सहितका क्लिनरलाई उक्त रकम परिपूर्ति गर्ने भएको हो। एबीसीमा प्रकाशित समाचार अनुसार सो कम्पनि नेपाली युवा आशिष परियारलाई ५० हजार अष्ट्रेलियन डलर र अर्का एक क्लिनरलाई ४० हजार डलर तिर्न सहमत भएको छ।
काम खोज्दै हुनुहुन्छ? यहाँबाट रिजुम डाउनलोड गरेर एप्लाई गर्नुस्

कम पैसामा काम लगाउनेले नेपाली यूवालाई ५० हजार डलर तिर्ने - NepaliPage
श्रम शोषणमा परेका नेपाली युवा आशिष परियार ! उनलाई उनले काम गरेको कम्पनिले ५० हजार डलर परिपूर्ति गर्ने भएको छ ! तस्विर: लाउरा/एबीसी न्युज

 

एंग्लीकेयर एज्ड केयरमा क्लिनिङको काम गर्ने नेपाली युवा परियारलाई कम्पनिले तिन वर्ष देखी घण्टाको १४ डलरको दरले काम लगाईरहेको थियो। उनीहरूलाई सुपरएनुएसन, पे स्लिप साथै वार्षिक बिदाको कुनै सुविधा दिइएको थिएन। एंग्लीकेयरको वारिङउड एज्ड केयर फेसिलिटीमा काम गर्ने परियारले पटक पटक गार्जियनसँग उनको कम ‘पे’को ’boutमा कुरा उठाउँदा पनि सुनुवाइ नभएको एबीसीलाई बताएका छन्।

लामो समय सम्म कम ‘पे’मा काम गरेका उनले कम्पनिबाट आफ्नो कुराको सुनुवाइ नभएपछी ‘हेल्थ सर्भिस युनियन’मा गुनासो गरेका थिए। ‘हेल्थ सर्भिस युनियन’ले यसलाई गम्भिरताका साथ लिएर एज्ड केयरमा क्लिनिङको काम गर्ने कामदारहरूको पक्षमा लबिङ सुरू गरेको थियो। उनीहरूले एज्डकेयर क्षेत्रमा कम ‘पे’ पाउने परियार मात्र नरहेको र उक्त कम्पनिले समस्याको चपेटामा परेका धेरैलाई धम्क्याएर, थर्काएर काम लगाउने गरेको पनि खुलेको थियो।

‘गार्जियन प्रोपर्टी सर्भिसेज’ले एज्ड केयरहरूमा काम गर्ने कामदारहरूलाई न्युनतम ‘पे’ समेत नदिएको खुलेपछी एज्डकेयर सेवा दिने कम्पनि ‘ईस्टिया’ले उसका न्यू साउथ बेल्सका साइटबाट ‘गार्जियन प्रोपर्टी सर्भिसेज’लाई हटाएर आफ्नै क्लिनरहरू नियुक्त गर्न थालेको थियो। परियारले काम गर्ने एज्ड केयरले भने उनलाई ‘अण्डर पे’ गरिएको’bout अनभिज्ञ रहेको बताएको छ।

एबीसीको समाचार यहाँबाट पढ्नुस् !

यो पनि पढ्नुस् : काममा कम पैसा ! हिसाब र गुनासो दुवै गर्नुस्

NAATI CCL Nepali

यो पनि पढ्नुहोस्

फेसबुकका भित्तासँगै आमाका हँसिला मुहारहरु

विदेश भन्ने बितिकै छिटो-छिटो आफ्नो गन्तव्य तिर हतार-हातर गरेर हिडिरहेका मानिसहरुको हूल दिमाग मा घुम्न थाल्छ, किनभने मैले बच्चा बेलाबाटै सिनेमा मा तेस्तै देख्दै आएको थिए। यहाँ समय को ईज्जत गर्ने मान्छे हरुको बसोबास छ, दौड धुप अनि हतार मै समय बितेको पत्तो हुन्न। आज कामबाट अलि चाडै आए अनि थकित भएर बेडको एक छेउमा लडिरहेको मेरो ल्यापटप खोले ,बिचरो ल्यापटप दिनभरि फुर्सद हुन्न एस्लाई। अनि हत-पत ल्यापटप खोले, यता आउनु भन्दा पहिलाको फोटो हरु खोज्न थाले, अनि अचानक आज भन्दा करिब चार वर्ष अगाडी आमा सँग खिचिएको मेरो फोटो पाए। अनि फेसबुक को भित्ता मा पछारे, प्रसङ्ग आमा को मुख हेर्ने दिन को थियो। आजभोली चलन नै नया आएको छ। बिहानै फेसबुक बाटै १ लाइक गरेर कैले पशुपति कैले मनकामना अनि कैले पाथीभरा को दर्शन गरिन्छ। जे होस् दर्शन गर्न लाईन पनि बस्न परेको छैन, अनि मन्दिर सम्म पुग्दा लाग्ने समय र लागत नि बचेको छ। कहिलेकाही त लाग्छ भगवान लाई मेरो गोजी को अवस्था राम्रैसग थाहा भएर होला एस्तो दर्शन गर्ने प्रचलन चलाउनु भएको। आज भोलि जन्मदिन पनि फेसबुक मा फोटो हालेर मानिन्छ, आमा -बुबा को मुख हेर्ने दिन पनि फेसबुकम़ा फोटो हालेर मानिन्छ, येस्तै गतिमा जाने हो भरे त कुनदिन बाट श्राद्ध पनि फेसबुक बाटै पिण्डको फोटो अपलोड गरेर गर्ने दिन नि नआउला भन्न सकिन्न।आमा ले बच्चा बेलामा मलाई नुहाईदिदै भन्नु हुन्थ्यो यति गरेर हुर्कायो नि पछि बुढी ल्याएपछि छाडेर गइहाल्छस्। हुन नि मैले आमालाई बेलैमा छाड्नु पर्यो तर कारण मेरी श्रीमती नभएर मेरै पढाई थियो। मेरी आमा जसले खासै पढने मौका पाउनु भएको थिएन, तर पनि उहाँले मलाई घर भन्दा टाढा काठमाण्डौं पढन पठाउनु भयो। उहाँलाई पढाइको महत्व राम्रो सँग थाहा थियो। अनि त्यसपछि दसैँ बाहेक अरु चाड-पर्वमा सितिमिति घर पुगीदैनथ्यो। दिदीहरुले फेसबुक मै फोटो अपलोड गरेर भाईटिका लगाइएदिनुहुन्थ्यो, फेसबुक मै फोटो अपलोड गरेर राखी लगाइएदिनुहुन्थ्यो धन्न फेसबुकले गर्दा निधार र हात खाली राख्न परेन।

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ