हिउँसँगै सुरू भयो वीन्टर, जाडो र रमाईलो दुवै

अष्ट्रेलियामा हिमपात र हावाहुरीसँगै यसवर्षको वीन्टर सुरू भएको छ। मेलबर्न, सिड्नी, ब्रिसबेनमा यसको राम्रै असर देखिएको छ। पानी, हिउँ र हुरीले चिसो बढाएको छ भने कामका लागी यात्रा गर्नेहरूलाई सजग रहनुपर्ने बनाएको छ। मौसमविद्ले तापक्रम माईनस दुई डिग्री सेन्टिग्रेड सम्म पुग्न सक्ने बताएका छन्। तिनवटै राज्यमा मौसमलाई लिएर सतर्कता अपनाउन सरकारी निकायहरूले सुझाएका छन्।

हिजो देखी बदलिएको मौसमले सिड्नी र वरपर बस्नेहरूलाई आज जाडो र रमाईलो दुवै दिएको छ। सिड्नीबाट केही घण्टाको ड्राईभमा नै पुग्न सकिने ठाउँहरू मात्र होईन सिड्नीको रेल संजालले छोएका भेगमा समेत हिउँ परेर सेताम्ये भएको छ। जसले जाडो सँगै सिड्नीमा बस्नेहरूलाई हिउँ खेल्ने अवसर समेत दिएको छ।

सिड्नीबाट हिउँ खेल्न ‘स्नोई माउन्टेन’ पुग्नेहरूलाई सेन्ट्रल स्टेशनबाट एक डेढ घण्टाको रेलयात्रामा नै पुग्न सकिने लिथ्गो, कटोम्बा लगायतका ठाउँमा नै हिउँ उपलब्ध छ। आज विहान देखी नै सिड्नी ट्रेन र न्यू साउथ वेल्स प्रहरीका सामाजिक संजाल हिउँका फोटो र तिनमा मानिसहरूको कमेन्टले अन्तर्क्रियात्मक बनेका छन्।

सिड्नी आसपासका शहर र नगरमा हिउँसँगै सिड्नीमा पानी समेत परेको छ। गत वर्ष लामो खडेरी खेपेको न्यू साउथ वेल्सले यसपटक राहत पाउन सक्ने देखिन्छ। केही दिन अघि मात्र न्यू साउथ वेल्समा पानीको संचय घटेको भनेर पानी प्रयोगमा आंशिक प्रतिबन्ध लगाईएको थियो। पानी र हिउँसँगै सिड्नीमा जाडो समेत बढेको छ। ब्यारिंटन टप्स, ब्लुमाउन्टेन्स, सेन्ट्रल वेस्ट, साउदर्न हाईल्याण्डस् साथै गोलबर्नमा समेत हिउँ परेको समाचार आइरहेका छन्।

NAATI CCL Nepali

Check Also

एएनएए नेतृत्वमा मधु पुडाशैनी

अष्ट्रेलियामा बसोबास गर्ने नेपालीहरूको पुरानो संस्था नेप्लिज अस्ट्रेलियन एसोसियसन (एनएए)मा नयाँ नेतृत्व चुनिएको छ। संस्थाको ४२ औ बार्षिक साधारण सभाबाट डा. मधु पुडाशैनीलाई अध्यक्षमा चयन गरेको हो।

Leave a Reply

Your email address will not be published. Required fields are marked *