पूर्वपतिले स्वीकारे नेपाली युवतीको हत्या

गत अक्टोबर ८ मा वेलायतमा हत्या भएकी नेपाली युवतीका पूर्वपतिले हत्या गरेको स्वीकार गरेका छन्। बेलायती प्रहरीले ३० वर्षका हफिज शरिफले नेपाली युवती सुभेक्षा बुढाथोकीको उनकै घर बार्थोलोम्यू स्ट्रीट, हाईफील्ड्स, लेस्टरमा हत्या गरेको स्वीकार गरेको जनाएको छ। तीन बच्चाकी आमा बुढाथोकीलाई शरिफले तीन बच्चाहरूको अगाडी नै धारिलो हतियारले पटक पटक प्रहार गरेका थिए।

फातिमाको नामले समेत चिनिने बुढाथोकीको मृत्यु घटनास्थलमा नै भएको थियो। प्रत्यक्षदर्शीहरूको वयानको आधारमा लेस्टरशायर प्रहरीले घटनास्थलको मुचुल्का तयार पार्दै बुढाथोकीको पूर्वप्रेमी शरिफलाई सो बिभत्स हत्याको जिम्मेबार ठानेको थियो। हत्यारा आशंकित शरिफ घटना लगत्तै फरार भएका थिए। अहिले कुनै स्थायी ठेगाना नभएका शरिफलाई प्रहरीले घटनाको दुई दिन पछी कोभन्टलीबाट पक्राउ गरेको थियो। लेस्टरशायर प्रहरीले बुढाथोकीको हत्याले उनका छिमेकीहरू शोकमा परेको बताएको छ, उनी आफ्नो छिमेकमा परिचित र चिन्ने जतिले मन पराएकी युवती थिईन।

घरबासको ठेगाना नभएका शरिफले शुक्रबार अदालत (लेस्टर क्राउन कोर्ट)मा आफूले बुढाथोकीको हत्या मादक पदार्थ र कोकिनको नशामा रहँदा भएको झगडामा गरेको स्वीकार गरेको प्रहरीले बताएको छ। घटनाको छानबिनको नेतृत्व गरेका अनुसन्धान अघिकृत प्रहरी निरिक्षक मार्क सिन्स्कीले बुढाथोकीको परिवारलाई हत्याराले कबुल गर्नु र कारबाही हुनुले केही राहत मिल्ने बताए।

NepaliPage,connects Australian Nepalese Community & Australian Nepalese Business Globally

Disclaimer: NepaliPage.com is a Nepalese Community website aggregating Nepalese Australian affairs including Australian Nepali Community News, Migration opportunities in Australia, Nepali International Students, Nepali home and garden, Nepali mortgage and real estate tips, tricks, and services, Travel, Entertainment, Nepalese Events, blogs, interview and many more. None of our stories is tailored expert advice for your circumstance, and cannot be taken as legal, migration, or any other expert advice. By nature, all of our contents provide general information on related topics from the various verified sources. We do not offer direct employment opportunities, Australian VISA help, and Migration assistance.

अस्वीकरण: नेपालीपेजका कुनै पनि सामग्री तपाईंको कुनै विशिष्ट अवस्था वा आवश्यकताका लागी मेल खाने विशेषज्ञ सुझाव हैनन्। तपाईंको समस्यासँग मिल्न गएको खण्डमा संयोगका रूपमा लिएर आफ्नो विशेषज्ञसँग सल्लाह लिन अनुरोध छ।