भत्कने आशंकामा सिड्नीको ३० तले भवन खाली गराईँदै

सिड्नीमा रहेको एक आवासिय गगनचुम्बी भवन भत्कन लागेको आशंकामा खाली गराईएको छ। ओलम्पिक पार्कमा रहेको ओपल टावर अपार्टमेन्ट भत्कने आशंकामा त्यहाँका बासिन्दाहरूलाई सुरक्षित स्थानमा सारिएको हो। उक्त भवनमा बस्नेहरूले विहान देखी नै भवनबाट संरचना भाँचिएको जस्तो आवाज आएपछी भवन भत्कने आशंका गरेर सो भवनका बासिन्दाहरू भवन छोडेर निस्केका हुन्।

न्यू साउथ वेल्स प्रहरीले सोमबार मध्यान्न करिब पौने तिनबजे त्यहाँका बासिन्दाले ३० तले भवनको संरचनामा शंका गर्दै भवन छोड्न थालेको जनाएको छ। प्रहरीले मानिसहरूले विहान देखी नै भवनबाट संरचना भाँचिएको आवाज आएको बताएको जनाएको छ। ‘फायर एण्ड रेस्क्यु एनएसडब्लु’ र प्रहरीले मानिसहरूलाई उनीहरूको घर छोड्न सहयोग गरिरहेको छ।

भत्कने आशंकामा सिड्नीको ३० तले भवन खाली गराईँदै - NepaliPage

ओपल टावर ! तस्विर: गुगलम्याप्स

यतिखेर सिड्नीको ओलम्पिक पार्क क्षेत्रमा आपतकालिन सेवाका कर्मचारीहरू परिचालित भएका छन् भने प्रहरीले उक्त भवन नजिकका क्षेत्रहरूमा जान निषेध गरेको छ। सो भवन वरपरका सडक बन्द गरिएको छ भने लिडकम भएर ओलम्पिक पार्क जाने ‘ट्रेन’ समेत बन्द गरिएको छ।

यसबारे सेभेन न्यूजले गरेको प्रेस भेटघाटको प्रशारण

NAATI CCL Nepali

यो पनि पढ्नुहोस्

एएनएए नेतृत्वमा मधु पुडाशैनी

अष्ट्रेलियामा बसोबास गर्ने नेपालीहरूको पुरानो संस्था नेप्लिज अस्ट्रेलियन एसोसियसन (एनएए)मा नयाँ नेतृत्व चुनिएको छ। संस्थाको ४२ औ बार्षिक साधारण सभाबाट डा. मधु पुडाशैनीलाई अध्यक्षमा चयन गरेको हो।

Leave a Reply

Your email address will not be published. Required fields are marked *