कोरोना प्रभावित अन्तर्राष्ट्रिय विद्यार्थीलाई ‘वर्क भिजा’ साथै ‘भिजा फी’ छुट

यदी अष्ट्रेलिया सरकारले गरेको तयारी व्यवहारमा लागु भयो भने कोरोना प्रकोपका कारण समस्यामा परेका अन्तर्राष्ट्रिय विद्यार्थीलाई ‘वर्क भिजा’ र ‘भिजा फी’मा छुट मिल्ने छ। कोरोना प्रभावित अन्तर्राष्ट्रिय विद्यार्थीलाई सहयोग गर्न अष्ट्रेलिया सरकारले भिजा सम्बन्धी केही प्रावधानहरू परिवर्तन गर्न लागेको छ। यसको घोषणा केही सातामा नै हुने दाबी दि अष्ट्रेलियनले गरेको छ। कोरोना प्रभावित अन्तर्राष्ट्रिय विद्यार्थीलाई ‘वर्क भिजा’ साथै ‘भिजा फी’ छुट - NepaliPage

यो पनि पढ्नुस्: अष्ट्रेलियामा अन्तर्राष्ट्रिय विद्यार्थी डर लाग्दो शोषणमा रहेको खुलासा

सोमबार दि अष्ट्रेलियनले सरकारले यसखालको तयारी गरेको समाचार प्रकाशन गरेको छ जसमा भनिएको छ अष्ट्रेलियन सरकारले कोरोनाको कारण बिदामा घर गएर उतैबाट अनलाईन पढिरहेका विद्यार्थीको लागी अष्ट्रेलियामा ‘वर्क भिजा’ दिने र भिजा सकिएर ‘रिन्यू’ वा अर्को भिजा भर्नुपर्ने अवस्थामा भिजा शुल्क नै मिनाहा वा केही अंश छुट दिने तयारी गरेको छ। कोरोना भाईरसको प्रकोप फैलिएका कारण अष्ट्रेलियाका कलेज तथा विश्वविद्यालयमा पढिरहेका हजारौं अन्तर्राष्ट्रिय विद्यार्थीहरू घरबाट अष्ट्रेलिया फर्कन सकेका छैनन्। विश्वव्यापी लकडाउनका कारण फर्कन नसकेकाहरूले अनलाईनबाटै आफ्नो अध्ययन भने जारी राखेका छन्।

अहिले सम्मको व्यवस्थामा अष्ट्रेलियामा क्याम्पस वा विश्वविद्यालयमा उपस्थित भएर पढाई पुरा गरेका विद्यार्थीहरूले मात्र ‘पोस्ट स्टडी वर्क’ भनिने ‘वर्क भिजा’ पाउने व्यवस्था छ। अष्ट्रेलियामा पढ्न आउने विद्यार्थीहरूले आफ्नो पढाई सकेपछी दुई वर्ष ‘फूल टाईम’ काम गर्न पाउने गरी ‘पोस्ट स्टडी वर्क’ भिजा पाउने गर्दछन्। अष्ट्रेलिया पढ्न आउने अन्तर्राष्ट्रिय विद्यार्थीहरूको लागी यो भिजाको प्रावधान नै मुख्य आकर्षण हो। काम गरेर अष्ट्रेलियामा पढ्दा लागेको खर्च उठाउन साथै यहीं करिअर बनाउन र स्थायी बसोबासको व्यवस्था मिलाउनको लागी यो भिजा सहयोगी हुँदै आएको छ।

यो पनि पढ्नुस्: अष्ट्रेलियामा कामको तालमेल: थोरैले फी पुग्दैन, धेरै गरे डिपोर्ट

 कोरोना प्रभावित अन्तर्राष्ट्रिय विद्यार्थीलाई ‘वर्क भिजा’ साथै ‘भिजा फी’ छुट  - NepaliPage
अहिले सम्मको व्यवस्थामा अष्ट्रेलियामा क्याम्पस वा विश्वविद्यालयमा उपस्थित भएर पढाई पुरा गरेका विद्यार्थीहरूले मात्र ‘पोस्ट स्टडी वर्क’ भनिने ‘वर्क भिजा’ पाउने व्यवस्था छ।

कोरोनाको कारण अष्ट्रेलिया पढ्न आउने विद्यार्थीको संख्या घट्ने भएपछी त्यसले अष्ट्रेलयाको अर्थतन्त्रमा नै ठूलो प्रभाव पार्ने आँकलन गरिएको छ। अष्ट्रेलियाका विश्वविद्यालयहरूले मात्र यसको कारण आगामी तिन वर्षमा १६ बिलियन डलरको आमदानी गुमाउने प्रक्षेपण गरिएको छ। शिक्षा क्षेत्र अन्तर्राष्ट्रिय निर्यातको महत्वपूर्ण हिस्सा भएकाले सरकारले अन्तर्राष्ट्रिय विद्यार्थीहरूलाई विशेष विमानहरूबाट अष्ट्रेलिया झिकाउने तयारी समेत गरेको थियो। जुन, भिक्टोरियामा चलेको कोरोना संक्रमणको दोश्रो लहर (सेकेण्ड वेभ)का कारण अनिश्चित बनेको छ। जसले यो महिनाको अन्त्यसम्ममा ३५ हजार अन्तर्राष्ट्रिय विद्यार्थी भित्र्याउने योजना स्थगनमा परेको छ।

न्यूसाउथवेल्सका विश्वविद्यालयहरूले मात्र दैनिक २५० अन्तर्राष्ट्रिय विद्यार्थी १०० दिन सम्म ल्याउने रणनीति बनाएका थिए। सात हजार अन्तर्राष्ट्रिय विद्यार्थी ल्याउने भिक्टोरिया सरकारको योजना पनि कोरोनाको दोश्रो लहरले भाँडिदिएको छ। भिक्टोरियामा आएको दोश्रो लहरले गर्दा क्यानबेरा र एडीलेडले ‘पाईलट प्रोजेक्ट’का रूपमा अन्तर्राष्ट्रिय विद्यार्थी भित्र्याउने रणनीतिलाई समेत धक्का दिएको छ। दि अष्ट्रेलियनले स्रोतहरूलाई उदृत गर्दै यसको संभावना करिब करिब नरहेको जनाएको छ।

NAATI CCL Nepali

लेखक: मदनमणि

सन् २०१३ मा स्टुडेन्ट भिजामा आएका मदनमणि अष्ट्रेलियामा अध्ययन, रोजगार, जिवनशैली, माईग्रेसन लगायतका विषयमा लेख्छन्। त्रिभुवन विश्वविद्यालयबाट पत्रकारिता तथा आमसंचार साथै अष्ट्रेलियाको कर्टिन युनिभर्सिटीको 'प्रोजेक्ट म्यानेजमेन्ट' र फेडरेसन यूनिभर्सिटीको सफ्टवेयर ईन्जिनियरिङका विद्यार्थी रहेका उनीसँग नेपालमा मिडिया अध्यापन, फोटोग्राफी र पत्रकारिता गरेको अनुभव छ। अष्ट्रेलिया आउनु अघि उनी अन्नपूर्ण पोष्ट दैनिकमा आबद्ध थिए।

यो पनि पढ्नुहोस्

अष्ट्रेलिया पढ्नेलाई आईएलटीएसमा सबै ब्याण्डमा सात ल्याउनै पर्ने बनाउन माग - NepaliPage

अष्ट्रेलिया पढ्नेलाई आईएलटीएसमा सबै ब्याण्डमा सात ल्याउनै पर्ने बनाउन माग

अष्ट्रेलियामा पढ्ने विदेशी विद्यार्थीलाई अंग्रेजी भाषा दक्षता जाँच्ने परिक्षा आईएलटीएसका हरेक ब्याण्ड (लिसनिङ, स्पीकीङ, राईटीङ र रीडीङ)मा सात ल्याउनै पर्ने र अष्ट्रेलियामा पढ्न र बस्नको लागी समेत आफ्नै देशबाट खर्चको व्यवस्था गर्नुपर्ने लगायतका अन्तर्राष्ट्रिय विद्यार्थीलाई प्रत्यक्ष प्रभावित गर्ने सुझाव अष्ट्रेलियाका प्रसिद्ध जनसंख्याविद् तथा 'दि अष्ट्रेलियन पपुलेसन रिसर्च ईन्टिट्युट'का प्रमुख बब बीरेलले दिएका छन्।

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ