गरे के हुँदैन? घिरौंलाको जालो बिक्छ ७ डलरमा

एउटा पुरानो भनाई छ नेपालमा, ‘नेपालमा पैसा हावामा छ, मात्र समाउन जान्नुपर्छ’। अष्ट्रेलियामा आएपछी धेरै नेपालीलाई पक्कै लाग्छ, ‘हो यार, पैसा जेमा पनि छ, जान्नुपर्छ’। सामान्य रूपमा हेर्ने हो भने पनि यो अनुभव हुन्छ। घर किन्ने देखी कलेज चेन्ज गर्ने योजमा बनाएको मानिसको फोन नम्बर सम्बन्धित एजेन्टलाई वा एजेन्टको नम्बर सम्बन्धितलाई दिएर समेत मासिक राम्रै आमदानी गरेकाहरू नेपाली समुदाय भित्रै छन्। नेपालमा वा अष्ट्रेलिया मै पनि हामी आम मानिसले यसलाई व्यवसायिक रूपमा कमाईको माध्यमको हिसाबले हेरिरहेका हुँदैनौं। जेलाई हामी सहयोग सोचिरहेका हुन्छौं व्यवसायिक सोच भएकाले त्यसबाट आमदानी गरिरहेको हुन्छ। गरे के हुँदैन? घिरौंलाको जालो बिक्छ ७ डलरमा - NepaliPage

ठ्याक्कै त्यस्तै कुरा सामान र उत्पादनमा पनि हुन्छ। यहाँ अष्ट्रेलियामा हामीले नेपालमा काम नलाग्ने भनेर छोडेका वा मतलब नगरेका धेरै कुरा महँगो दाममा बिकिरहेको हुन्छ। तरकारी किन्न बजार जाँदा हेर्नुभयो भने नेपालमा ‘धुस्रे केरा’ भनिने केरा महँगोमा गनिन्छ, २४-२५ डलर किलोको। त्यसो त नेपालमा जताततै हुने ‘संखत्र’ यता ३ देखी ५ डलर किलोमा बिक्छ। जुन नेपालमा मानिसले प्राय कमै खाईन्छ, औषधीका रूपमा खाने बाहेक। गरे के हुँदैन? घिरौंलाको जालो बिक्छ ७ डलरमा - NepaliPage

बजारमा यसो हेर्दै जाँदा देखिन्छ, घिरौंलाको जालो पनि राम्रै दाममा बिकिरहेको छ। ‘नेचुरल बडी स्क्रबर’ भनेर। हुन त गाउँघरमा घिरौंलेको जालोले नुहाउँदा शरिर ‘स्क्रब’ गरेकै हो के रे। गर्मी र लुतोमा त घिरौंलोको जालो ‘कन्याउन’ कम आनन्दको साधन हो। सायद प्लास्टिकको उत्तम विकल्प भएकाले हुनसक्छ घिरौंलोको जालो चिटिक्क पारेर बेच्न राखिएको छ र लाभदायक भएकाले मानिसहरूले किनेका पनि छन्। गरे के हुँदैन? घिरौंलाको जालो बिक्छ ७ डलरमा - NepaliPage

‘ईबे’ देखी अरू ‘अनलाईन सपिङ’का प्लेटफर्ममा त भए नै तपाईं हाम्रो दैनिक खाद्यान्न किन्ने ‘स्टोर’ ‘कोल्स’मा पनि यो घिरौंलोको जालो उपलब्ध छ। मूल्य चाहीँ ३ देखी ७ डलर सम्म। ‘कोल्स’मा ठ्याक्कै ७ डलर भनेर लेखेको छ वेबसाईटमा।

NAATI CCL Nepali

यो पनि पढ्नुहोस्

अष्ट्रेलियामा काम र कमाई मेलबर्नका नेपाली विद्यार्थीको अनुभव

धेरैले अष्ट्रेलियन जिवनको रौनक र चक्का चौंध का बीच नेपाली अनि अरू अन्तर्राष्ट्रिय विद्यार्थीले गर्नुपर्ने दुख र बाँच्नको लागी गरेको संघर्षको अर्को पाटोलाई ख्यालै नगरेको पाईन्छ। नेपालबाट अष्ट्रेलियाको सपना देख्दा नै यस्ता कुरामा ध्यान दिनु पर्छ यदी अष्ट्रेलिया आउने नै हो भने। नत् ट्वीटरका बरिष्टहरूले गरेझैं अंगुर अमिलो छ को शैली अपनाउँदा हुन्छ। ‘पलायनवादी’, ‘घण्टा हान्ने’, ‘भाँडा माझ्ने’ जस्ता टर्मिनोलोजी निशुल्क तयार छ। चिया पसलमा अनि ट्वीटरमा बस्नुस् विदेशमा काम गरेर दाम र भविष्य बनाउन खोज्नेलाई गाली गर्नुस्।स्नातक तथा स्नातकोत्तर तहमा अष्ट्रेलियामा पढ्ने अनि यतै सेटल हुने सोच भएकाहरूले माध्यमिक तहमा पटक पटक जाँचमा सप्रसंग ब्याख्या गरेको ‘जिन्दगी केबल फुलैफुलको बिछ्यौना होईन…यो त काँडै काँडाले भरिएको….संघर्ष पनि हो…।’ भन्ने लाईनलाई बिर्षनु भएन। अष्ट्रेलिया चम्किला गाडी, सुकिला साडी र सेक्सी नारीको मात्र देश होईन, क्लिनिङ, किचनह्याण्ड अनि हाउसकिपिङमा पसिना बगाएर यूनिभर्सिटीको फी र बैंकको ऋण चुक्ता गर्नेहरूको पनि हो। दुख, परिश्रम पनि गर्नुपर्छ, चोकै पिच्छे रहेका पब र युवतीका हब त जिन्दगीको अर्को पाटो मात्र हो।नेपाली विद्यार्थीको लागी पनि अरूको जस्तै काम र पढाईको पेलान नियमितता यहाँ कुरेर बसेकै छ। भिजा जोगाउनु पर्ने अनिवार्यतामा काम खोज्ने, गर्ने अनि पढाईमा पनि कमी हुन दिनु नहुने अरु मापदण्ड बन्छन् यहाँ जिन्दगीको त्यसैले नेपालमा बसेर अष्ट्रेलियाको गुलियो सपना देख्नेहरूले गुलियोले दाँत बिगार्न सक्ने तर्फ पनि सचेत हुनै पर्छ। त्यसको लागी यहाँका विद्यार्थीको अनुभवबाट सिकेर अष्ट्रेलियाको राम्रो प्लानिङ गर्नु उचित हुन्छ।

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ