सिड्नीमा नेपाली भाषा पाठशालाको सम्मेलन

अष्ट्रेलियाका गैर-आवासीय नेपालीहरुको संगठन गैर आवासीय नेपाली संघ अष्ट्रेलिया (एनआरएनए)ले अष्ट्रेलिया भरका नेपाली भाषा पाठशालाका सरोकारवालाहरूसँग अन्तर्क्रिया गर्ने भएको छ। एनआरएनएको नेपाली पाठशाला टास्क फोर्स समितीले राष्ट्रिय सम्मेलन मार्फत यस्तो अन्तर्क्रिया सिड्नीमा गर्न लागेको एनआरएनएका प्रवक्ता डिला खरेलले बताए। खरेलका अनुसार यो राष्ट्रिय सम्मेलनमा अष्ट्रेलियाका विभिन्न राज्य तथा क्षेत्रमा रहेका नेपाली भाषा पाठशाला शिक्षक-शिक्षिका, अभिभावक एवं सञ्चालकहरुको सहभागिता हुनेछ।

8 जुलाई 2018 आईतबार रकडेलमा रहेको ‘ईन्द्रेणी फंग्सन सेन्टर’मा हुने सम्मेलनको उदेश्य अष्ट्रेलियाका विभिन्न क्षेत्रमा रहेका नेपाली पाठशालाहरूको पाठ्यक्रम तथा अरू शैक्षिक सामग्रीमा एकरूपता ल्याउनु रहेको प्रवक्ता खरेलले जनाए। अष्ट्रेलियामा स्थायी रूपमा नै बस्ने नेपालीहरूको संख्या बढ्दै गएपछी एनआरएनएले नेपाली कला,भाषा, साहित्य र संस्कृतीको जगेर्ना तथा संरक्षण गर्दै अष्ट्रेलियामा नै जन्मने दोस्रो पुस्तामा यिनको ज्ञान र सूचना हस्तान्तरण गर्न अभियान नै चलाउन थालेको छ। अष्ट्रेलियामा हुर्कँदै र बढ्दै गएको नेपाली समुदायमा नेपाली भाषा, कला, संस्कृती र विशेषताको निरन्तरताको लागी समुदायका सरोकारवालाहरूका बीच अन्तर्क्रियाका लागी आयोजना हुने कार्यक्रम विहान १० बजेबाट सुरूभएर साँझ ५ बजे समापन हुनेछ।

सिड्नीमा नेपाली भाषा पाठशालाको सम्मेलन - NepaliPage

कार्यक्रमको विस्तृत विवरण:

मिति : – ०८ जुलाई २०१८ , आइतवार !
स्थान : Indreni Function Centre, 588 Princes Hwy, Rockdale NSW 2216, Australia ,
समय : विहान १०:०० वजे देखि ५:०० वजे सम्म !

NAATI CCL Nepali

यो पनि पढ्नुहोस्

फेसबुकका भित्तासँगै आमाका हँसिला मुहारहरु

विदेश भन्ने बितिकै छिटो-छिटो आफ्नो गन्तव्य तिर हतार-हातर गरेर हिडिरहेका मानिसहरुको हूल दिमाग मा घुम्न थाल्छ, किनभने मैले बच्चा बेलाबाटै सिनेमा मा तेस्तै देख्दै आएको थिए। यहाँ समय को ईज्जत गर्ने मान्छे हरुको बसोबास छ, दौड धुप अनि हतार मै समय बितेको पत्तो हुन्न। आज कामबाट अलि चाडै आए अनि थकित भएर बेडको एक छेउमा लडिरहेको मेरो ल्यापटप खोले ,बिचरो ल्यापटप दिनभरि फुर्सद हुन्न एस्लाई। अनि हत-पत ल्यापटप खोले, यता आउनु भन्दा पहिलाको फोटो हरु खोज्न थाले, अनि अचानक आज भन्दा करिब चार वर्ष अगाडी आमा सँग खिचिएको मेरो फोटो पाए। अनि फेसबुक को भित्ता मा पछारे, प्रसङ्ग आमा को मुख हेर्ने दिन को थियो। आजभोली चलन नै नया आएको छ। बिहानै फेसबुक बाटै १ लाइक गरेर कैले पशुपति कैले मनकामना अनि कैले पाथीभरा को दर्शन गरिन्छ। जे होस् दर्शन गर्न लाईन पनि बस्न परेको छैन, अनि मन्दिर सम्म पुग्दा लाग्ने समय र लागत नि बचेको छ। कहिलेकाही त लाग्छ भगवान लाई मेरो गोजी को अवस्था राम्रैसग थाहा भएर होला एस्तो दर्शन गर्ने प्रचलन चलाउनु भएको। आज भोलि जन्मदिन पनि फेसबुक मा फोटो हालेर मानिन्छ, आमा -बुबा को मुख हेर्ने दिन पनि फेसबुकम़ा फोटो हालेर मानिन्छ, येस्तै गतिमा जाने हो भरे त कुनदिन बाट श्राद्ध पनि फेसबुक बाटै पिण्डको फोटो अपलोड गरेर गर्ने दिन नि नआउला भन्न सकिन्न।आमा ले बच्चा बेलामा मलाई नुहाईदिदै भन्नु हुन्थ्यो यति गरेर हुर्कायो नि पछि बुढी ल्याएपछि छाडेर गइहाल्छस्। हुन नि मैले आमालाई बेलैमा छाड्नु पर्यो तर कारण मेरी श्रीमती नभएर मेरै पढाई थियो। मेरी आमा जसले खासै पढने मौका पाउनु भएको थिएन, तर पनि उहाँले मलाई घर भन्दा टाढा काठमाण्डौं पढन पठाउनु भयो। उहाँलाई पढाइको महत्व राम्रो सँग थाहा थियो। अनि त्यसपछि दसैँ बाहेक अरु चाड-पर्वमा सितिमिति घर पुगीदैनथ्यो। दिदीहरुले फेसबुक मै फोटो अपलोड गरेर भाईटिका लगाइएदिनुहुन्थ्यो, फेसबुक मै फोटो अपलोड गरेर राखी लगाइएदिनुहुन्थ्यो धन्न फेसबुकले गर्दा निधार र हात खाली राख्न परेन।

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ