यस्ता राम्रो कमाई हुने काम, अष्ट्रेलियामा मान्छे पाउनै गाह्रो

वर्षको एकलाख हाराहारीको तलब सुविधा भएका कामका लागी अष्ट्रेलियामा मानिस पाउन गाह्रो रहेको सुन्दा पत्याउन मुस्किल हुन्छ। अष्ट्रेलियाको अग्रणी रोजगार सूचना प्रदान गर्ने वेबसाइट ‘ईन्डिड’को पछिल्लो विश्लेषणले अष्ट्रेलियाका रोजगारदाताहरूलाई त्यस्ता पद तथा कामका लागी मानिसहरू पाउन गाह्रो परिरहेको देखाएको छ। ‘अनलाईन करिअर प्लाटफर्म ईन्डिड’का अनुसार अष्ट्रेलियामा विज्ञापन गरिएका मध्य ७० प्रतिशत पदहरूमा एक महिना भन्दा कम समयमा नै नियुक्ति भएको छ। यद्यपी कम्पनीले हालै संकलन गरेको तथ्यांकले केही यस्ता पद तथा कामहरू देखाएको जसका लागी मानिस पाउन दुई महिना वा सो भन्दा लामो समय लाग्ने गरेको छ। यसरी कामदार पाउन गाह्रो परेका पेशाहरू पशु चिकित्सक, फुटबल प्रशिक्षक, ड्राईभर, पिज्जा कुक, सफ्टवेयर ईन्जिनियर, डाक्टर, आर्किटेक्ट, डेलिभरी ड्राईभर, सफाई मजदूर लगायत रहेका छन्।

पशु चिकित्सक (भेटेरिनरियन) जसको सरदर तलब वार्षिक ८३ हजार हुने गर्दछ यस पेशा तथा पदका लागी मानिस पाउनु नै सबैभन्दा बढी मुस्किल छ यतिखेर अष्ट्रेलियामा। त्यसपछी फुटबल प्रशिक्षक दोस्रो भेटाउन मुस्किलको पेशा बनेको छ रोजगारदाताका लागी। जसको वार्षिक सरदर कमाई ५६ हजार हुन्छ।

अष्ट्रेलियाका रोजगारदाताले यतिखेर भेटाउन मुस्किल परेको सबैभन्दा धेरै तलब सुविधा भएको पेशा हो डाक्टरको ‘जीपी’ (जनरल प्राक्टिसनर) भनिने कामको लागी वार्षिक सरदर तलब नै दुईलाख ७० हजार हाराहारी हुने गर्दछ। प्रविधीको क्षेत्रमा आएको परिवर्तनका कारण अष्ट्रेलियाका साना ठूला सबै व्यवसायमा सफ्टवेयर ईन्जिनियर, सफ्टवेयर आर्किटेक्ट जस्ता जनशक्ति आवश्यक हुन थालेपछी वार्षिक एक लाख डलर तलब सुविधा हुने यी पद तथा कामका लागी दक्ष मानिस पाउन रोजगारदाता कम्पनीहरूलाई हम्मे हम्मे पर्न थालेको छ।

यस्ता राम्रो कमाई हुने काम, अष्ट्रेलियामा मान्छे पाउनै गाह्रो - NepaliPage
तथ्यांक स्रोत: ईन्डिड/न्यूजडटकमडटएयू

न्यूजडटकमइटएयूले ‘ईन्डिड’का करिअर विश्लेषण विभागका प्रमुख जे मुनरोलाई उदृत गर्दै धेरै सिप र दक्षता भएका पेशा जस्तै डाक्टर र पशु चिकित्सकहरूले जागिर गर्नुभन्दा पनि आफैले नै व्यवसायिक अभ्यास गर्ने गरेका कारण पनि विशेषज्ञ पदका लागी मानिसहरू पाउन रोजगारदातालाई मुस्किल पर्नु स्वभाविक भएको उल्लेख गरेको छ। उनले जागिर खोजिरहेका मानिसको तुलनामा ‘भ्याकेन्सी’ धेरै रहेकोले कारण रोजगारी खोज्नेहरूका लागी धेरै छनौटका अवसर मिलेको न्यूजडटकमइटएयूलाई बताएका छन्।

NAATI CCL Nepali

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ